Jurnalist Rudi Galettining yozishicha, Teo Ernandes va "Milan" o‘rtasida yangi shartnoma bo‘yicha muzokaralar boshi berk ko‘chaga kirib qolgan, "Manchester Siti" esa chap qanot himoyachisining yozgi transferini ko‘rib chiqmoqda.
Yanvar oyida "rossonerilar" Teoni "Komo"ga 50 million yevroga sotishga tayyor edi, ammo himoyachining o‘zi bunday o‘tishdan bosh tortdi. Endi "Milan" rahbariyati narxni 35 million yevroga tushirishga tayyor - bu summani "Man Siti" mutlaqo adolatli deb hisoblamoqda.
"Man Siti"dan tashqari, Ernandes 2017-2019 yillarda to‘p tepgan "Real" ham vaziyatni diqqat bilan kuzatib bormoqda. Futbolchi "Bernabeu"ga qaytishni istisno qilmayapti, biroq Angliyaga ko‘chib o‘tish variantiga ham qarshi emas.
Eslatib o‘tamiz, 27 yoshli fransuz bu mavsumda "Milan" safida barcha musobaqalarda 35 ta o‘yinda maydonga tushib, 4 ta gol urdi va 5 ta golli uzatmani amalga oshirdi.
