Туркиянинг "Фенербахче" клуби асосий форвардини жамоада олиб қолишга ҳаракат қилмоқда.
Журналист Николо Скиранинг маълум қилишича, клуб раҳбарияти 38 ёшли Эдин Жекони 2026 йилгача жамоада олиб қолмоқчи. "Фенербахче" вакиллари тез орада босниялик футболчининг агенти билан учрашиб, унинг мижозига шартномани яна бир мавсумга узайтиришни таклиф қилади.
Эдин Жеко 2023 йилнинг ёзида "Фенербахче" сафига эркин агент сифатида келиб қўшилганди. Бу даврда у Истанбул клуби сафида барча мусобақаларда 84 та ўйинда майдонга тушиб, 44 та гол урди ва 17 та голли узатмани амалга оширди.













