"Бавария" бошқарув кенгаши аъзоси Ули Хёнесс ҳужумчи Томас Мюллернинг келажаги ҳақида гапирди.
35 ёшли футболчи эҳтимол сўнгги мавсумини ўтказмоқда - у фаолиятини якунлаши мумкин. Фахрийнинг шартномаси июл ойида тугайди.
"Клуб аъзоси сифатида Мюллер билан шартномани исталган вақтда узайтирардим. Аммо агар у захира ўйинчиси бўладиган бўлса, кетишни маслаҳат берган бўлардим.
Мен унинг ўз фаолиятини захирада якунлашини хоҳламайман, чунки бу унинг буюк карьерасига лойиқ эмас.
Мен уни сақлаб қолишни истардим", дея Хёнесснинг сўзларини келтиради журналист Мартин Волькмар.













