"Bavariya" boshqaruv kengashi a’zosi Uli Xyoness hujumchi Tomas Myullerning kelajagi haqida gapirdi.
35 yoshli futbolchi ehtimol so‘nggi mavsumini o‘tkazmoqda - u faoliyatini yakunlashi mumkin. Faxriyning shartnomasi iyul oyida tugaydi.
"Klub a’zosi sifatida Myuller bilan shartnomani istalgan vaqtda uzaytirardim. Ammo agar u zaxira o‘yinchisi bo‘ladigan bo‘lsa, ketishni maslahat bergan bo‘lardim.
Men uning o‘z faoliyatini zaxirada yakunlashini xohlamayman, chunki bu uning buyuk karyerasiga loyiq emas.
Men uni saqlab qolishni istardim", deya Xyonessning so‘zlarini keltiradi jurnalist Martin Volkmar.
