"Ливерпуль" ҳужумчиси Муҳаммад Салоҳ жамоадаги фаолиятини якунлаши мумкинлигига ишора қилиб, мухлисларга қўллаб-қувватлов учун миннатдорчилик билдирди.
"Мухлислар ёдда тутишларини истайман: мен улар учун ва бу шаҳар учун боримни бердим. Футболдан завқ олдим, боримни бердим ва доим қўлимдан келганини қилдим. Менимча, ҳамма гап шунда: улар сенга ўз муҳаббатларини ҳадя қилишади, сен эса уларга боғланган бўласан, чунки ўзингни бутунлай бағишлайсан.
Шунчаки улар билишини хоҳлайман: мен бу ерда саккиз йилни ўтказдим ва қўлимдан келганини бажардим," - дея Салоҳнинг сўзларини келтиради TNT Sports.
