Мадриднинг “Реал” клуби ярим ҳимоячиси Дани Себальос Испания кубоги ярим финалида “Реал Сосьедад”га қарши ўйинда жароҳат олди.
Испаниялик футболчи ўйин бошидан охиригача ўйнади, бироқ унинг ҳолати орзу қиладиган даражада эмасди.
Журналист Эду Агирренинг сўзларига кўра, Себальос тиззасидан жароҳат олган бўлиши мумкин. Агар бу тасдиқланса, ўйинчи бир неча ойни йўқотиши мумкин.
Кўрик пайшанба кунига белгиланган.
Аввалига футболчининг тикланиши учун икки-тўрт ҳафта керак бўлиши кутилганди. Карло Анчелотти шогирдлари биринчи ярим финалда “Реал Сосьедад” устидан меҳмонда ғалаба қозонишди (1:0). Ягона гол 19-дақиқада Эндрик томонидан киритилди.
