Туриннинг “Ювентус” клуби “Эмполи” билан ўйиндан сўнг Италия кубогини тарк этди.
Ўйиннинг асосий вақти 1:1 ҳисобида якунланди, “Ювентус” пенальтилар сериясида 2:4 ҳисобида мағлуб бўлди.
Ўйиндан сўнг туринликлар устози Тьяго Мотта бу муваффақиятсизликка ҳеч қандай изоҳ бера олмаганини тан олди.
"Ҳеч қандай тушунтириш йўқ. Албатта, бу мураббийнинг зиммасида. Жамоанинг бундай ўйинини кўришдан уялдим.
Бугунги кунда асосий етишмаётган нарса - бу масалага принципиал, тўғри муносабатда бўлиш эди. Мен жамоатчиликдан кечирим сўрашим керак", деди Мотта.













