"Ливерпуль" бош мураббийи Арне Слот АПЛ доирасида "Ньюкасл" устидан қозонилган ғалабадан сўнг (2:0) интервью берди.
"Қизиллар" 11 ва 63-дақиқаларда Доминик Собослаи ва Алексис Макаллистернинг голлари эвазига уч очкони қўлга киритишди.
Нидерландиялик мураббий дисквалификация туфайли ўйинни трибунадан кузатишга мажбур бўлди.
"Мен кутганимдек, трибунадан томоша қилиш янада қулайроқ, аммо келажакда бундай ҳолатга дуч келишни хоҳламайман.
Бугунги ғалаба аввалгиларидек бўлди. "Эвертон", "Вулверхэмптон" ва "Астон Вилла"га қарши ўйинлардан сўнг одамлар биздан шубҳалана бошладилар - биз бунга муносабат билдиришимиз керак эди.
"Манчестер Сити"га қарши ғалабадан кейин бизни мақташди, аммо биз "Ньюкасл"га қарши қийин ўйин учун тўғри муносабатда бўлдик", деди Слот.
