Таниқли журналист Гильем Балагенинг маълум қилишича, Лионель Месси «Барселона»га қайтишни режалаштирмаяпти.
«Интер Майами» ва Аргентина терма жамоаси ҳужумчиси янгиланган «Spotify Камп Ноу» стадионида ўйнашни хоҳласа-да, у Жоан Лапорта клубни бошқараётган бир пайтда «Барса»га қайтмаслиги аниқ.
Балагенинг таъкидлашича, «Интер Майами» Мессини жамоада қолишга ишонтира олган.
Месси 2023 йил ёзида «Интер Майами»га ўтган;
Унинг шартномаси 2025 йил охиригача амал қилади;
Transfermarkt’га кўра, унинг бозор баҳоси – €20 млн;
«Барселона»да 2004–2021 йилларда 778 ўйин ўтказиб, 672 гол урган ва 303 ассист қилган.
