"Бавария" Йозуа Киммихнинг янги шартномаси билан боғлиқ вазиятдан ҳафсаласи пир бўлди.
Мюнхен клуби 30 ёшли ярим ҳимоячи учун янги шартнома таклифини қайтариб олди, деб хабар беради «Bild».
"Бавария" раҳбарияти футболчи нега иккиланишда давом этаётганини тушунмаяпти. Улар аниқ жавобни хоҳлашади ва у билан шартнома шартларини бошқа муҳокама қилиш ниятида эмаслар.
Таъкидланишича, аввалига "Бавария" Киммихнинг маошини камайтирмоқчи бўлган, аммо унинг бу мавсумдаги ажойиб ўйинларидан сўнг таклиф қилинган келишув аввалгисидан бироз юқорироқ бўлган. Ҳозирда Киммих йилига тахминан 20 миллион евро маош олади, унинг амалдаги шартномаси шу ёзда тугайди.
Қайд этилишича, муддатни узайтириш масаласи бутунлай истисно қилинмаган. "Бавария" ва Киммих таклиф бекор қилинганидан кейин ҳам мулоқотни давом эттирмоқда. Бироқ, клуб аввалги шароитларга қайтишни хоҳлайдими ёки йўқми, номаълум.
