«Relevo» портали хабарига кўра, Арда Гюлер агар ўйин амалиёти кўпаймаса, ёзда "Реал"ни тарк этишга тайёр бўлади.
20 ёшли ярим ҳимоячи фаолиятини "Лос-Бланкос"да давом эттирмоқчи, бироқ у кўпроқ ўйин вақтини олиш шарти билан. Бироқ футболчи ижарага кетиш ҳақида ўйламаяпти.
Шу боис, агар мадридликлар уни керакли миқдордаги ўйин вақти билан таъминлашга тайёр бўлмаса, у клубни доимий равишда тарк этишга тайёр бўлади.
Дани Себальоснинг жароҳати Гюлер учун имконият бўлиши мумкин, аммо Анчелотти асосий таркиб учун курашда Модрични юқорироқ баҳолайди.
Қайд этиш керак, жорий мавсумда Гюлер ҳисобида жами 28 учрашув (1051 дақиқа), 3 гол ва 5 голли узатма бор.
