"Реал" ҳужумчиси Эндрик дебют мавсумида кам ўйин амалиётига эга бўлмоқда. Шунга қарамай, 18 ёшли бразилиялик ҳамон Мадрид клубида қолишга қатъий қарор қилган. Бу ҳақда «Marca» нашрига таяниб, «Transfer News Live» хабар берди.
Эслатиб ўтамиз, "Реал" чоршанба куни Испания кубоги 1/2 финали доирасида "Реал Сосьедад" меҳмони бўлди. Карло Анчелотти жамоаси минимал 1:0 ҳисобида ғалаба қозонди, ягона голга Эндрик муаллифлик қилди.
"Реал" навбатдаги ўйинни 1 март куни Ла Лига доирасида "Бетис"га қарши ўтказади.













