Ўзбекистон аёллар терма жамоаси бугун Осиё кубогининг саралаш баҳсларига киришади. Владислав Хан шогирдларининг дастлабки ўйиндаги рақиби Кувайт терма жамоаси бўлади. Кувайтликлар кеча 2 соатлик машғулотларни ўтказишди.

Кувайт терма жамоа бош мураббийи ёрдамчиси Абдулла ал-Кандерийнинг таъкидлашича, жамоадаги кайфият яхши ва тайёргарлик қисқа вақтда олиб борилганига қарамай, муваффақиятга эришиш учун етарли бўлиши керак. Машғулот тонгда ва тушдан кейин олиб борилган.

"Ўзбекистонга қарши ўйин, шубҳасиз, оғир ўтади. Ўзбекистон терма жамоаси нафақат Осиёда, балки жаҳонда ҳам кучли рақиблардан бири ҳисобланади", дейди Кендарий.

Ушбу саралаш босқичи Кувайт учун дастлабкиси ҳисобланади. Кеча бўлиб ўтган мусобақа олди матбуот анжуманида Кувайт бош мураббийи Фаҳад Комил саралашда муносиб иштирок этишни мақсад қилаётганини таъкидлади.

"Ушбу жамоа февраль ойида ташкил этилган. Мамлакатда аёллар футболини ривожлантириш учун миллий чемпионатни ташкил қилмоқчимиз. Осиё кубоги саралаш босқичидан кейинги бизнинг навбатдаги мақсадимиз ҳисобланади. Иштиёқ эвазига рақибларга кучли қаршилик кўрсатишга ҳаракат қиламиз", дейди Кувайт бош мураббийи.