"Милан"нинг ҳужумкор ярим ҳимоячиси Рафаэль Леауда Англия Премьер-лигасида ўйнаш имконияти мавжуд. Бу ҳақда Todofichajes портали журналистлари хабар бермоқда.
25 ёшли вингер хизматларига Премьер-лиганинг икки топ клуби қизиқиш билдирмоқда. Гап “Манчестер Сити” ва “Манчестер Юнайтед” ҳақида кетмоқда. Иккала клуб ҳам ёзги трансфер ойнасида футболчини қўлга киритишга ҳаракат қилиши мумкин.
"Милан" ўз навбатида португалиялик учун 100 миллион евро таклиф қилса, у билан хайрлашишга тайёр. Рафаэль миланликлар сафида 2019 йилнинг августидан буён ўйнаб келмоқда.
