"Ливерпуль" форварди Дарвин Нуньес ёзгача бор эътиборини мерсисайдликлар сафида ўйнашга қаратган, дея хабар бермоқда инсайдер Фабрицио Романо.
Манбага кўра, январь ойида 25 ёшли уругвайлик футболчининг "Ан-Наср"га трансфери барбод бўлган, аммо у ёзда клубни тарк этиш учун барча имкониятларга эга.
Нуньеснинг ёзги трансферлар ойнасида кетиши сўнгги ойларда муҳокама қилинган аниқ имконият сифатида кўрилмоқда.
"Ливерпуль" Нуньесни 2022 йил ёзида "Бенфика"дан 75 миллион еврога сотиб олганди. У жорий мавсум 36 та ўйинда 6 та гол ва 4 та голли узатмага муаллифлик қилган.
