"Барселона" ярим ҳимоячиси Гавига "ПСЖ" қизиқмоқда. Transfer News Live нашрининг El Nacional нашрига таяниб хабар беришича, агар мавсумнинг иккинчи қисмида Ҳанс-Дитер Флик жамоаси учун ёш футболчи ўз аҳамиятини йўқотса, Лига 1 гранди Гави трансфери бўйича фойдали таклиф билан чиқишга тайёр бўлади.

Нуфузли Transfermarkt портали мутахассислари 20 ёшли Гавини 80 миллион еврога баҳоламоқда. Яқинда ярим ҳимоячи "Барселона" билан шартномасини 2030 йилнинг ярмигача узайтирди.

2024/2025 йилги мавсумда Гави 24 та расмий ўйин ўтказиб, ўз ҳисобига иккита гол ва шерикларига учта голли узатма ёздириб қўйди.