"Ан-Наср" Саудия Арабистони чемпионатининг сўнгги уч турида иккита мағлубиятга учради.

Стефано Пиоли жамоаси бугун "Ал-Оруба"га (1:2), 21 февраль куни эса "Ал-Иттифоқ"га (2:3) имкониятни бой берди. Шунингдек, барча мусобақалардаги сўнгги тўртта ўйинда у битта ғалаба ("Ал-Ваҳда" устидан) ва битта дуранг (Осиё Чемпионлар Лигасида "Персеполис" билан) қайд этган.

Саудия Арабистони чемпионатида "Ан-Наср" 23 ўйиндан сўнг 47 очко билан учинчи ўринда бормоқда. Биринчи ўринда "Ал-Иттиҳод" (22 ўйин, 56 очко), иккинчи ўринда "Ал-Ҳилол" (23 ўйин, 51 очко).

Криштиану Роналду сўнгги 4 ўйинда фақат битта гол урган - "Ал-Ваҳда" дарвозасига. Португалиялик футболчи Саудия Арабистони чемпионатида тўпурарлар рўйхатида етакчилик қилишда давом этмоқда.