"An-Nasr" Saudiya Arabistoni chempionatining so‘nggi uch turida ikkita mag‘lubiyatga uchradi.

Stefano Pioli jamoasi bugun "Al-Oruba"ga (1:2), 21 fevral kuni esa "Al-Ittifoq"ga (2:3) imkoniyatni boy berdi. Shuningdek, barcha musobaqalardagi so‘nggi to‘rtta o‘yinda u bitta g‘alaba ("Al-Vahda" ustidan) va bitta durang (Osiyo Chempionlar Ligasida "Persepolis" bilan) qayd etgan.

Saudiya Arabistoni chempionatida "An-Nasr" 23 o‘yindan so‘ng 47 ochko bilan uchinchi o‘rinda bormoqda. Birinchi o‘rinda "Al-Ittihod" (22 o‘yin, 56 ochko), ikkinchi o‘rinda "Al-Hilol" (23 o‘yin, 51 ochko).

Krishtianu Ronaldu so‘nggi 4 o‘yinda faqat bitta gol urgan - "Al-Vahda" darvozasiga. Portugaliyalik futbolchi Saudiya Arabistoni chempionatida to‘purarlar ro‘yxatida yetakchilik qilishda davom etmoqda.