“Интер Майами” ва Аргентина терма жамоаси ҳужумчиси Лионель Месси “ПСЖ”даги фаолияти, ҳозирги ҳаёти ва келажаги ҳақида фикр билдирди.

Месси Париждаги фаолияти ўзига ёқмагани, у ерда бахтли бўлмаганини айтди.

“Кейин MLSʼда фаолиятимнинг бир қисмини ўтказишни ўйладим. Буни доимо хоҳлаганман.

“Интер Майами”нинг лойиҳаси менга ёқди, клуб ўсмоқда, ривожланмоқда. Бу ерга келишни, клубга ёрдам беришни истадим. Шунингдек, MLSʼнинг жаҳондаги брендига катта таъсир ўтказмоқчи бўлдим.

MLSʼни тез ва кучли лига деб айта оламан. Ҳозир бу ерда кўплаб ёш футболчилар келишмоқда. Барча жамоалар ҳужум қилишга, голлар уришга, очиқ ўйин кўрсатишга интиляпти.

Келажагим? Бу ерда ўзимни яхши ҳис қиляпман ва ҳар бир лаҳзадан, клуб, ўйинлар, дўстлар, оилам билан завқ оляпман. Келажагим ҳақида олдиндан гапиришни истамайман”, – деди Месси.