Лондоннинг "Тоттенхэм" клубига тегишли бўлган кореялик ҳужумчи Сон Хён Мин Германия чемпионатига йўл олиши мумкин. Бу ҳақда deadlinedaylive хабар берди.
Футболчининг хизматларига Мюнхеннинг "Бавария" клуби қизиқиш билдирмоқда. Немис гранди ҳужум чизиғидаги Кейн - Сонни дуэтини яратмоқчи. Футболчилар узоқ вақт давомида "шпорлар" сафида бирга ўйнашган. "Бавария" ёзги трансферлар вақтида форвардни ўз сафига қўшиб олишга ҳаракат қилади.
Соннинг лондонликлар билан шартномаси 2026 йилнинг ярмигача мўлжалланган. Футболчининг трансфер нархи 38 миллион еврони ташкил этади.













