Рубен Аморим ўйинчиларнинг танқидларга қандай муносабатда бўлишлари ҳақида гапирди.
"Ўйлайманки, ҳозир ўйинчилар учун ҳамма нарса бошқача. Илгари фақат газеталар бор эди, бошқа ҳеч нарса йўқ эди. Ижтимоий тармоқлар пайдо бўлиши билан вазият ўзгарди. Ижтимоий тармоқларда янгиликлар ёки фотосуратларни кўрмасдан туриб бўлмайди. Агар сиз ёмон нарсани ўқисангиз, диққатингизни унга қаратасиз. Сиз 100 та яхши нарсага эга бўлишингиз мумкин, лекин битта ёмон нарсага эътибор қаратасиз.
Менимча, улар учун бу жуда қийин. Буни енгиш учун уларга ёрдам керак. Бу замонавий футбол ва улар бунга тайёр бўлишлари керак", - деди "Манчестер Юнайтед" бош мураббийи.
