"Манчестер Сити" "Милан"нинг 27 ёшли чап қанот ҳимоячиси Тео Эрнандесни сотиб олишга катта қизиқиш билдирмоқда. Бу ҳақда «TEAMtalk» хабар бермоқда.

Манбага кўра, франциялик футболчи ва "россонерилар" ўртасидаги шартномани узайтириш бўйича музокаралар боши берк кўчага кириб қолган. Таъкидланишича, "Милан" Эрнандес бўйича 35 млн евролик таклифларни кўриб чиқишга тайёр. "Шаҳарликлар" ҳимоячининг ушбу нархини адолатли деб ҳисобламоқда.

Жорий мавсумда Эрнандес барча мусобақаларда 35 та ўйинда майдонга тушиб, 4 та гол ва 5 та ассистни ўз ҳисобига ёздириб қўйди.