"Manchester Siti" "Milan"ning 27 yoshli chap qanot himoyachisi Teo Ernandesni sotib olishga katta qiziqish bildirmoqda. Bu haqda «TEAMtalk» xabar bermoqda.
Manbaga ko‘ra, fransiyalik futbolchi va "rossonerilar" o‘rtasidagi shartnomani uzaytirish bo‘yicha muzokaralar boshi berk ko‘chaga kirib qolgan. Ta’kidlanishicha, "Milan" Ernandes bo‘yicha 35 mln yevrolik takliflarni ko‘rib chiqishga tayyor. "Shaharliklar" himoyachining ushbu narxini adolatli deb hisoblamoqda.
Joriy mavsumda Ernandes barcha musobaqalarda 35 ta o‘yinda maydonga tushib, 4 ta gol va 5 ta assistni o‘z hisobiga yozdirib qo‘ydi.













