Испания Ла Лигасининг 2024/2025 йилги мавсум 26-туридан ўрин олган "Барселона" - "Реал Сосьедад" учрашуви якунига этди. Унда "Барселона" 4:0 ҳисобида ғалаба қозонди.
Учрашувнинг 17-дақиқасида "Реал Сосьедад" бир ўйинчи кам бўлиб қолди, жамоа ҳимоячиси Арис Элустондо қизил карточка олди. Учрашувда ҳисоб 25-дақиқада "Барселона" ҳимоячиси Жерар Мартин томонидан очилди. 29-дақиқада Марк Касадо мезбонларнинг иккинчи голига муаллифлик қилди. 56-дақиқада Рональд Араухо ҳисобни йирик кўринишга олиб келди. 60-дақиқада Роберт Левандовски якуний ҳисобни ўрнатди - 4:0.
Ўтказилган 26 ўйиндан сўнг "Барселона" Ла Лига турнир жадвалида 57 очко билан 1-ўринда бормоқда. "Реал Сосьедад" эса шунча ўйиндан кейин 34 очко билан тўққизинчи ўринда бормоқда.
"Барселона" - "Реал Сосьедад" 4:0
2 март, соат 20:15
"Олимпик Льюис Компанис"
Голлар: Мартин 25, Касадо 29, Араухо 56, Левандовски 60.
"Барселона": Шесни, Мартин, Кубарси (Эрик Гарсия, 59), Араухо (Форт, 76), Кунде, Касадо, Рафинья (Ферран Торрес, 59), Педри (де Йонг, 59), Ольмо (Лопес, 71), Ямаль, Левандовски.
"Реал Сосьедад": Ремиро, Хави Лопес, Элустондо, Субельдия, Арамбуру (Траоре, 64), Субименди (Туррьентес, 46), Марин, Оласагасти (Мартин, 20), Серхио Гомес, Барренечеа (Марьескуррена, 46), Оускарссон (Муньос, 77.
