Йозуа Киммихнинг "Бавария" билан амалдаги шартномаси мавсум охирида ўз ниҳоясига етади, шу боис футболчининг келажаги муҳокама қилинмоқда. Шу билан бирга, яқинда матбуотда Мюнхен клуби Киммихга янги шартнома бўйича таклифни қайтариб олгани ҳақида маълумот пайдо бўлди.
«Süddeutsche Zeitung» нашрининг ёзишича, Йозуа Киммих "Бавария" спорт директори Макс Эберль билан янги тўрт йиллик шартнома шартларини келишиб олганди. Бироқ клуб бошқаруви аъзолари шартнома шартлари ошириб юборилган деган қарорга келган. Улар Эберль шартномага жуда кўп пул сарфлашга қарор қилган деб ҳисоблашди.
Йозуа Киммих 30 ёшда. Миш-мишлар футболчини бир нечта топ-клублар, хусусан, "Ливерпуль" билан боғламоқда.
