"Манчестер Юнайтед" бош мураббийи Рубен Аморим вингер Антони нима учун "Бетис"да бутунлай бошқача ўйинчига ўхшаб қолганини тушунтирди.
Антони қишки трансфер ойнасида "Манчестер Юнайтед"дан ижарага олинганидан бери "Бетис"да ажойиб формада ўйнамоқда. Бир кун аввал 25 ёшли испаниялик футболчи янги жамоасига “Реал”га қарши ўйинда 2:1 ҳисобида ғалаба қозонишга ёрдам берди.
Аморимнинг сўзларига кўра, гап шундаки, Испанияда жисмоний тайёргарликка бўлган талаб Англиядагидек юқори эмас.
"Англиянинг исталган жамоасига қарши ўйнасанг, жисмоний тайёргарлигингга юқори талаблар қўйилади. Агар жисмонан соғлом бўлмасанг, сенда катта муаммо бўлади.
Антони ҳозир Испанияда ўзини анча яхши ҳис қилмоқда. Кўп омиллар бор, лекин бу биринчи навбатда жисмоний фаоллик эканлигига кафолат бераман", - деди Аморим.
