Германия чемпионатида 24-тур ўйинлари бўлиб ўтди ва унда, ажабланарлиси, мезбонларнинг бирорта ҳам ғалабаси қайд этилмади. Фақат "Аугсбург" "Фрайбург" билан 0:0 ҳисобида дуранг ўйнади, қолган барча ҳолатларда ғалаба меҳмонлар томонида бўлди.
Тўққизта ўйиндан саккизтасида меҳмонларнинг ғалабаси 2019/2020 йилги мавсумнинг олтинчи турида содир бўлган Бундеслиганинг мутлақ рекордини такрорлади, ўшанда ҳам меҳмонлар турнинг тўққизта ўйинидан саккизтасида ғалаба қозонган.
Эслатиб ўтамиз, мусобақа жадвалида Мюнхеннинг "Бавария" клуби пешқадамлик қилмоқда ва у амалдаги чемпион Леверкузеннинг "Байер" клуби устидан 8 очко билан яхшигина устунликка эга.
