Лондоннинг «Челси» клуби ҳимоячиси Жон Терри «Монако» клубининг қизиқишлари доирасига кирди. Бу ҳақда «The Telegraph» нашри хабар тарқатди.
Манбанинг маълум қилишича, монегаскликлар 32 ёшли футболчи учун 7 миллион фунт стерлинг беришга тайёрлигини маълум қилган. Унинг ўзи Лондонда 150 минг фунт ҳафталик маош олади.
Газетада ёзилишича, Террининг келажагини янги бош мураббий Моуриньо ҳал қилади. Унинг клуб билан амалдаги шартномаси эса 2014 йилнинг ёзида ниҳоясига етади.