"Атлетико" бош мураббийи Диего Симеоне Чемпионлар Лигаси 1/8 финалидан ўрин олган "Реал"га қарши сафар ўйинидан нималар кутаётгани ҳақида гапирди.
"Биз ажойиб рақибга катта ҳурмат билан қараймиз, аммо олдинги ўйинлар ҳеч қандай таъсир кўрсатмаяпти. Бундай ўйин Мадрид учун, Испания учун жуда яхши бўлади ва биз, ўйин иштирокчилари, бундан завқланамиз.
Бу жуда муҳим ўйин бўлиб, унда жуда кўп қизиқарли нарсалар бўлади. Рақибни жуда ҳурмат қиламиз, аммо нима бўлишидан қатъи назар, бунга тайёрмиз. Бундай даражадаги ўйинлар тафсилотларга тўла. "Реал" ҳам, биз ҳам бу даражадаги ўйинларга ўрганиб қолганмиз ва ҳа, майда деталлар, албатта, муҳим роль ўйнайди," - деди Симеоне.
