"Ювентус" бош мураббийи Тьяго Мотта А Серия 27-туридан ўрин олган "Верона"га (2:0) қарши ўйиндан сўнг ўз таассуротлари билан ўртоқлашди.
Туринликлар фақат 72-дақиқада Кефрен Тюрамнинг саъй-ҳаракатлари билан ҳисобни очишди. Учрашув якунида Тён Копмейнерс таблода якуний натижани қайд этди.
"Биринчи бўлимда гол уришимиз керак эди - бизда жуда кўп голли вазиятлар бўлди. Бу ўйиннинг боришига таъсир қиларди - рақиб очилишига тўғри келарди.
Йигитлар ўзларида характер борлигини яна бир бор исботлашди. Улар ғалабаларга оч, яхши футбол ўйнашади. Яхши ҳимояланган жамоа билан ўйиндаги муҳим ғалаба," - деди Мотта Sky Sport нашрига берган интервьюсида.
