Мадриднинг "Реал" клуби ўтган ой якунларига кўра жамоанинг энг яхши футболчисини танлади.
Ярим ҳимоячи Браим Диас ғолиб деб топилди, дея хабар бермоқда "қаймоқранглилар" матбуот хизмати. Марокашлик футболчи Карло Анчелотти жамоасига Чемпионлар лигасининг "Этиҳад"даги ўйинида "Манчестер Сити"ни мағлуб этишга ёрдам берди (3:2), у захирадан майдонга тушганидан икки дақиқа ўтиб, ўйин охирида гол урганди. Шунингдек, 25 ёшли хавбек Испания кубоги доирасидаги ўйиннинг 93-дақиқасида "Леганес" дарвозасига ғалаба тўпини киритган Гонсало Гарсияга ассистентлик қилди.
Умуман олганда, Браим Диас жорий мавсумда "Реал" сафида 35 та ўйинда 5 та гол ва 7 та голли узатмани амалга оширди.
