"Манчестер Юнайтед" ярим ҳимоячиси Бруно Фернандеш "Реал Сосьедад"га қарши бўлиб ўтадиган Европа лигаси 1/8 финал учрашуви ҳақида гапирди.
Биринчи ўйин басклар жамоаси майдонида 6 март куни, жавоб ўйини бир ҳафтадан кейин Манчестерда бўлиб ўтади.
"Бизни қийин учрашув кутиб турибди. "Реал Сосьедад" ажойиб футбол ўйнайди, жамоада жуда юқори савияли футболчилар бор.
Улар бизни кўп югуришга мажбур қилишади, шунинг учун биз ўйинга янгича руҳ билан ёндашишимиз керак.
Тўп бизда бўлса, биз уларни ҳам югуртиришимиз керак", - дея Фернандешнинг сўзларини келтиради «Манчестер Юнайтед» матбуот хизмати.
