"Арсенал" бош мураббийи Микель Артета Чемпионлар лигаси 1/8 финалида "ПСВ"га қарши ўйин олдидан Нидерландия клубининг формаси тушиб кетгани ҳақида гапирди.
"Футболда натижалар ҳар доим бошқача бўлади. Уларнинг қандай ўйнаши мени қизиқтиради. Мен уларнинг заиф томонлари ва уларни қандай енгиш кераклигига эътибор қаратаман.
Иккита муҳим ўйин бизни кутиб турибди.
Учрашувда устунлик қилиб, яхши натижага эришмоқчимиз. "ПСВ" - "Ювентус"ни турнирдан чиқариб юборган жамоа.
Биз сўнгги йилларда уларга қарши кўп ўйнадик, шунинг учун биз нима қилишни биламиз”, деди испаниялик мураббий матбуот анжуманида.
