"Ливерпуль" ёзги трансферлар вақтида ҳужумни кучайтиришга умид қилмоқда. "Қизиллар" нишон сифатида "Ньюкасл"дан Александр Исакни белгилаган, унга бошқа кўплаб грандлар ҳам даъвогарлик қилмоқда. Журналист Саша Тавольерининг ёзишича, мерсисайдликлар раҳбарияти эҳтимолий келишувни муҳокама қилиш учун аллақачон швед вакиллари билан боғланган. Клуб келаётган ёзда расмий таклиф билан чиқиши мумкин.
"Ньюкасл" 25 ёшли футболчи учун катта нарх белгилади - 150 млн фунт (180 млн евродан ортиқ). «Transfermarkt» портали "қарғалар" юлдузининг нархини 75 млн еврога баҳоламоқда.
