"Liverpul" yozgi transferlar vaqtida hujumni kuchaytirishga umid qilmoqda. "Qizillar" nishon sifatida "Nyukasl"dan Aleksandr Isakni belgilagan, unga boshqa ko‘plab grandlar ham da’vogarlik qilmoqda. Jurnalist Sasha Tavolyerining yozishicha, mersisaydliklar rahbariyati ehtimoliy kelishuvni muhokama qilish uchun allaqachon shved vakillari bilan bog‘langan. Klub kelayotgan yozda rasmiy taklif bilan chiqishi mumkin.

"Nyukasl" 25 yoshli futbolchi uchun katta narx belgiladi - 150 mln funt (180 mln yevrodan ortiq). «Transfermarkt» portali "qarg‘alar" yulduzining narxini 75 mln yevroga baholamoqda.