"Милан" ярим ҳимоячиси Тижани Рейндерс клуб билан шартномасини узайтирганидан сўнг ўз фикрлари билан ўртоқлашди. 26 ёшли нидерланднинг "Милан" билан янги шартномаси 2030 йилгача мўлжалланган.
"Бу катта илтифот, мен шартномамни узайтирганимдан жуда фахрланаман. "Милан" бир оиладек ва мен кейинги мавсумларни интиқлик билан кутяпман. Бу менинг иккинчи уйим ва мен жуда хурсандман", - дея Рейндерснинг сўзларини келтиради Football Italia.
Рейндерснинг янги шартномасида унинг маоши бонусларни ҳисобга олмаганда йилига 1,7 миллион евродан 3,5 миллион еврога кўтарилгани айтилмоқда.
