"Реал" ҳужумчиси Родриго Чемпионлар Лигаси 1/8 финалидан ўрин олган "Атлетико"га (2:1) қарши биринчи ўйиннинг энг яхши футболчиси деб топилди. Бразилиялик футболчи бу ўйинда битта гол урди.
"У ажойиб гол урди ва "Атлетико"га муаммо туғдирди, жамоа мудофаасини бўшаштирди, тўпсиз тинимсиз ишлади ва жамоасига нима кераклигини доимо тушунишини кўрсатди," - дея қайд этди УЕФА техник кузатувчилари гуруҳи.
Жавоб ўйини бир ҳафтадан сўнг, 12 март куни "Метрополитано" стадионида бўлиб ўтади.













