Туркияда бўлиб ўтадиган ёшлар ўртасидаги Осиё чемпионатига тайёргарлик кўраётган Миср терма жамоаси Испанияда 17 кунлик йиғин ўтказади. Жамоа техник директори Робий Ёсиннинг таъкидлашича, йиғин давомида Ўзбекистон терма жамоаси билан ўртоқлик ўйини ўтказилади. Шунингдек, африкаликлар Руминия ва Македония билан ҳам учрашишни режалаштиришган.

Мисрликлар йиғин давомида 9 июнь куни Швейцарияга бориб, у ерда ҳам 2та ўртоқлик ўйинини ўтказишни кўзлашган. Уларниг 15 июнь куни ўша ерда Бразилияга қарши майдонга тушиши аниқ бўлган. Яна бир рақиб номи эса ҳали маълум эмас. Миср терма жамоаси ЖЧда Ироқ, Англия ва Чили билан бир гуруҳда баҳс олиб боришади.

Ўзбекистон ёшлар терма жамоаси ҳам Испанияда йиғин ўтказиш учун эртага жўнаб кетади. Жамоа 10 июнь куни Чили, 12 июнь куни Испания билан ўртоқлик ўйинида майдонга тушиш учун бир тўхтамга келишган. Аҳмаджон Мусаев берган интервьюсида жамоа истаса, ташкилотчилар 14 кунига ҳам ўртоқлик ўйини ташкиллаштириб беришга ваъда беришганини айтиб ўтганди. Балки, бу жамоа Миср бўлар.