Бу мавсумда “Милан”да ижара асосида ўйнаётган “Рома” форвардини Премьер-лиганинг икки клуби ўз сафига қўшиб олмоқчи.

TEAMtalk хабарига кўра, 27 ёшли Тэмми Абрахам Англияга қайтишга тайёр, чунки унга "Вест Хэм" қизиқиш билдирмоқда. Лондон клуби римликларга ҳужумчи бўйича сўров юборди.

Шунингдек, футболчига "Эвертон"дан ҳам қизиқиш борлиги маълум бўлиб, улар унинг ҳолатини кузатиб боришмоқда. "Милан" англиялик футболчини доимий равишда қўлга киритиш ниятида эмас, шунинг учун у жорий мавсум охирида ўз клубига қайтади.

Тахминларга кўра, "Рома" клуб билан шартномаси 2027 йилнинг ёзига қадар амал қиладиган Абрахамни сотишни режалаштирмоқда ва ундан тушган маблағни бошқа ўйинчилар билан шартнома имзолашга тайёр.

Тэмми Абрахам бу мавсумда "Милан" сафида барча мусобақаларда 34 та ўйинда майдонга тушиб, 8 та гол урди ва 4 та голга ассистентлик қилди.