Bu mavsumda “Milan”da ijara asosida o‘ynayotgan “Roma” forvardini Premyer-liganing ikki klubi o‘z safiga qo‘shib olmoqchi.
TEAMtalk xabariga ko‘ra, 27 yoshli Temmi Abraxam Angliyaga qaytishga tayyor, chunki unga "Vest Xem" qiziqish bildirmoqda. London klubi rimliklarga hujumchi bo‘yicha so‘rov yubordi.
Shuningdek, futbolchiga "Everton"dan ham qiziqish borligi ma’lum bo‘lib, ular uning holatini kuzatib borishmoqda. "Milan" angliyalik futbolchini doimiy ravishda qo‘lga kiritish niyatida emas, shuning uchun u joriy mavsum oxirida o‘z klubiga qaytadi.
Taxminlarga ko‘ra, "Roma" klub bilan shartnomasi 2027 yilning yoziga qadar amal qiladigan Abraxamni sotishni rejalashtirmoqda va undan tushgan mablag‘ni boshqa o‘yinchilar bilan shartnoma imzolashga tayyor.
Temmi Abraxam bu mavsumda "Milan" safida barcha musobaqalarda 34 ta o‘yinda maydonga tushib, 8 ta gol urdi va 4 ta golga assistentlik qildi.
