Франциянинг “ПСЖ” клуби бош мураббийи Луис Энрике “Ливерпул”га қарши Чемпионлар лигаси 1/8 финал биринчи учрашуви якунланганидан кейин ўз фикрларини билдириб ўтди.
Учрашув 5 март куни Париж аренасида бўлиб ўтди ва меҳмонларнинг 1:0 ҳисобидаги ғалабаси билан якунланди.
Ягона гол мерсисайдликлар ярим ҳимоячиси Харви Эллиот томонидан киритилди.
"Кейинги босқичга чиқа оламизми? Шубҳасиз, бунга ишонаман. Биз фақат биринчи ўйинни ўтказдик.
Йўқотадиган ҳеч нарсамиз йўқ. Агар бугунги ўйинимизни такрорлай олсак, чорак финалга чиқишимиз мумкин", деди испаниялик мураббий журналистларга.
