"Рома" Европа Лигаси 1/8 финал дастлабки ўйинида "Атлетик"ни мағлуб этди - 2:1. Ўйин Римдаги "Олимпико" стадионида бўлиб ўтди.
Биринчи бўлимда гол урилмади. Иккинчи бўлим бошида Испания жамоаси ҳужумчиси Иньяки Уильямс ҳисобни очди. Бироқ Италия жамоаси Анхелиньо томонидан киритилган гол эвазига деярли дарҳол жавоб голини урди. 85-дақиқада меҳмонлар бир киши кам бўлиб қолди, ҳимоячи Йерай Альварес қизил карточка олди. Қўшиб берилган дақиқаларда ҳамюртимиз Элдор Шомуродов ғалаба тўпини киритди.
Жавоб учрашуви бир ҳафтадан сўнг, 13 март куни Испанияда бўлиб ўтади.
