"Реал Мадрид"нинг айни дамда энг кўп маош олувчи футболчилари номи маълум.
"Қироллик клуби"да энг кўп маош олувчи ҳужумчи Килиан Мбаппе бўлди - йилига 33 миллион евро.
Иккинчи поғонани ҳимоячи Давид Алаба эгаллаб турибди - 23 миллион евро. Учинчи ўринни ҳар йили 21 миллион евро маош оладиган ҳужумчи Винисиус Жуниор ва ярим ҳимоячи Жуд Беллингем бўлишиб турибди.
Кучли бешликни ярим ҳимоячи Федерико Вальверде 17 миллион евро билан якунлаб турибди. Килиан Мбаппе ўтган ёзда "Реал"га эркин агент сифатида ўтган эди. Аввалроқ, франциялик ўз ватанининг “ПСЖ” клубида етти йил тўп тепган.
