Лерой Сане "Бавария"да қолиш учун маошини қисқартиришга мажбур бўлади.

Инсайдер Кристиан Фальк маълумотига кўра, мюнхенликлар маошлар фондини камайтирмоқчи, жумладан, Флориан Вирцнинг "Байер"дан келиши учун ҳам. "Бавария" 2026 йилда футболчини ўз сафига қўшиб олишга уриниб кўришга қарор қилгани ҳақида хабарлар тарқалган эди.

Сане сўнгги бир неча ҳафта ичида яхши ўйин кўрсатаётганига қарамай, шартнома узайтирилган тақдирда маоши қисқартирилиши мумкин бўлган футболчилардан бири сифатида кўрилмоқда. Германияликнинг клуб билан келишуви жорий мавсум якунида ўз ниҳоясига етади.

Ҳозирда футболчи йилига 20 млн евро маош олади, клуб эса уни 13 млн евро атрофида маош оладиган футболчилар қаторида кўрмоқда.

Агар вингер рози бўлса, унда қолиш имконияти бор. Акс ҳолда, "Бавария" пулни Виртц трансфери каби йирик битимларга йўналтиради, дея таъкидламоқда Фальк.

Сане бу мавсум Бундеслигада 20 та ўйинда майдонга тушиб, 6 та гол урди ва 4 та голли узатмани амалга оширди.