“Манчестер Сити” мухлислари жамоа ҳимоячиси Абдуқодир Ҳусановга лақаб ўйлаб топишди. Эндиликда улар ўзбекистонлик футболчини “Узбеккенбауэр” деб аташмоқда, деб ёзади футбол эксперти Вадим Лукомский.

"Абдуқодир Ҳусанов нафақат “Манчестер Сити”да ойнинг энг яхши футболчиси совринини қўлга киритди, шунингдек, у кичик рекорд ҳам қайд этди. Ҳусанов клубнинг бутун тарихи давомида энг кўп овоз тўплаган футболчига айланди. Мухлислар бу эътирофни ажойиб лақаб билан мустаҳкамлашди" – “Узбеккенбауэр”, – деб ёзади Лукомский.

Ушбу лақаб футбол тарихидаги афсонавий ҳимоячи, Германия терма жамоаси ва “Бавария”нинг собиқ футболчиси Франс Беккебауэр номидан олинган. Беккебауэр ҳимоядаги ажойиб ўйини ва майдондаги етакчилик фазилатлари билан машҳур бўлиб, у футбол тарихидаги энг буюк ҳимоячилардан бири ҳисобланади.

Маълумот учун, Абдуқодир Ҳусанов февраль ойида “Сити” сафида 5 та ўйин ўтказиб, 1 гол уришни уддалади.