Яқинда Англия кубоги доирасида бўлиб ўтган “Кристал Пэлас” – “Миллуолл” ўйинида меҳмонлар дарвозабони Лиам Робертс тўпни ушлаб қолиш учун жарима майдончаси ташқарисига югуриб чиқди ва рақибининг бошига тепди.
Жан-Филип Матетанинг қулоғи ёрилди ва бошидан 25 та тикиш қабул қилиб олди. "Бургутлар" ҳужумчиси март ойи охирида сафга қайтиши керак.
Англияда тўғридан-тўғри қизил карточка уч ўйинга дисквалификацияга сабаб бўлади. Мамлакат футбол ассоциацияси жазони қоидабузарликка номутаносиб деб ҳисоблади.
Жума куни Лиам Робертснинг тақиқи олтита ўйинга узайтирилгани эълон қилинди.
