Суперлигада янги мавсум старт олди. ОКМК жамоаси ўз майдонида "Бухоро"ни қабул қилди ва 2:1 ҳисобида ғалаба қозонди. Беллашувдан сўнг жамоа бош мураббийи Миржалол Қосимов матбуот анжуманида иштирок этди.
"Ҳали ўйинимизга баҳо беришга эрта. Биринчи учрашув доим шундай хис-ҳаяжонли ўтади. Шунга қарамай, иккала жамоа ҳам яхши ўйин кўрсатди. Шиддатли, тезкор ва жанговар баҳс кўрдик. Гол киритилган вазиятда омад бизга кулиб боқди. Бу энди илк тур. Қайтараман, ҳали баҳо беришга эрта, ишланадиган жиҳатлар кўп.
Апрелда 6 та, майда 6 та баҳс бизни кутиб турибди. Тақвим эса зич. Тезроқ тикланиб, ишлашимиз керак", - деди олмалиқликлар устози.
