"Барселона" ярим ҳимоячиси Дани Ольмо клуб шифокори Карлес Миньярро Гарсиянинг ўлими ҳақидаги хабарлар ортидан пост чиқарди.
Тиббий штаб ходими "Осасуна"га қарши ўйин бошланишидан олдин вафот этди. Ла Лига каталонияликларнинг учрашувни қолдириш ҳақидаги илтимосини қабул қилди.
"Бунга ишониш қийин, содир бўлган воқеани қабул қилиш қийин. Карлес, бу мавсумда ва бутун фаолиятим давомида мен учун қилган барча ишларингиз учун катта раҳмат. Биз сизни жуда соғинамиз. Сиз бизнинг қалбимизда абадий қоласиз. Руҳингиз шод бўлсин, доктор," - деб ёзди ижтимоий тармоқда ўтган йилнинг ёзидан буён "Барселона" шарафини ҳимоя қилиб келаётган Ольмо.
