Англиялик собиқ футболчи Гари Невилл "Манчестер Юнайтед" бош мураббийи Рубен Аморимнинг ўзини кўрсатишга вақти бўлади, деб ҳисобламоқда.
Португалиялик "қизил иблислар"ни ўтган йилнинг ноябрида Эрик тен Хаг ўрнига қабул қилиб олганди, аммо натижалар яхшиланмади. Жамоа Премьер-лига 28-туридан кейин турнир жадвалида 14-ўринда бормоқда.
"Ўйлайманки, клуб Аморимни қўллаб-қувватлайди. Керакли нарсаларни ёзда олади. Менимча, унга трансферлар учун пул ва янги таркиб билан нимагадир эришиш имконияти берилади," - дея Невиллнинг сўзларини келтиради UtdDistrict.
