Футбол бўйича Италия чемпионати 28-тури доирасидаги “Эмполи” — “Рома” баҳси бўлиб ўтди. Матиас Суле томонидан киритилган гол римликларга 3 очко тақдим этди.

Баҳсни асосий таркибда бошлаган Элдор Шомуродов 72 дақиқа ўйнади. Унинг майдондаги ҳаракатлари Sofascore томонидан 6.5 балл билан баҳоланди.

Бу вақт давомида Шомуродов 46 марта тўпга тегинди. 33 марта шерикларига пас узатиб, ундан 29 мартаси аниқ манзилга етиб борди — 88 фоиз. Футболчи 3 марта калит узатма амалга оширди. У майдонда 4 марта тўп учун кураш олиб борган, лекин ҳеч қайсида ғалаба қозонмади. Элдор ҳаводаги 3 та курашнинг 2 мартасида ютиб чиқди.

Маълумот учун, ушбу ғалабадан кейин Рим клуби ҳисобидаги очколар сони 46 та бўлди ва турнир жадвалида 7-ўринни эгаллаб турибди.